حكاية جحـش
هـا ... أخــيرا فهـمت ان الوضوع بقى خـطير
اخــــيرا صـــحيـت وبطـلت شــــخير
ضحكوا عليك وفهموك ان ملوش لازمه التغيير
وانته صدقتهم وكأنك فى عقلك ضرير
يالا ياعم ... هتعيش وتموت فقير
هيتحكم فى حياتك واحد معندوش ضمير
يسود عيشتك وحياتك واحد حقير
ويخليك طول عمرك تلف فى دواوير
-------
ياما قولنالك حاول مره تبقى مواطن شريف
ترد وتقولى هوا انا لاقى الرغيف
دايما عامل مش شايف وبتمثل دور الكفيف
ياااااه .... مملتش ... الدور ده بقى سخيف
------
انته مش واخد بالك والا ايه
-----
كل حاجه فى بلدنا بقت بالمقلوب
وعلى كل كرسى راجل كركوب
مفهم الناس ان معاه توكيل يمحى بيه الذنوب
والناس وراه كأنهم شاربين صنف مضروب
تحاول تفوقهم يقولوا ... الله يسهله ربك رب قلوب
-----
اتحرك بقه سلبـيتك باخت
العيال من الذل شاخت
شباب البلد على الشغل داخت
واحلامهم من الركنه دابت
--------
قوم اتحرك وكافح ...التغيير مش ضغطة زرار
متخفش من الظالم حتى لو طالع من عينه شرار
البلد عايزاك وعايزانى... البلد عايزه احرار
وأعرف ان الجحش مهما وصل..أقصى طموحه يبقى حمار
أعتقد أنة قبل قرأة هذه القصيدة لابد من أخذ حبوب الضغط لأن هذة القصيدة تصف حال مصر وهذا بدورة سيؤدى الى سلسلة من الاعراض الجانبية المصاحبة للقرأة من ارتفاع ضغط الدم وزيادة الكليسترول ........ألخ
ردحذف