"الرب " اتسرق من درج المكتب يا رجاله
المكان اللى انا شغال فيه موجود فيه ثقافات وديانات على كافة الاشكال والانواع .... منهم مدير هندى الجنسيه معروف عنه القسوه والظلم ؛ ديانته هى " البوذيه " كان بيحتفظ بحجر منحوت على هيئة انسان فى درج مكتتبة ؛ كان كل يوم الصبح يقعد قدام الصنم ده وكله خشوع وتقوى ويصلى ليه .....
وفى يوم من الايام قام أحد المصريين " الاشرار "اللى بيشتغلوا فى نفس المكان معاه بسرقة " الصنم " من درج مكتبة إنتقاما لظلمة للموظفين اللى بيشتغلوا فى ادارته ."طبعا تقدروا تخمنوا مين الخلبوص اللى عمل كده لووووول "
وعندما اكتشف الهندى ان " ربه " مفقود من درج المكتب .... خرج يهيم على وجهه ويصرخ " ربنه ضاع منى يا ناس .... مين اللى سرق ربنا من درج المكتب "
كان يوم اسود على كل الموظفين اللى فى القسم معاه ..... وقام بعمل جلسات استجواب لكا المشتبه فى تورطهم فى سرقة " إلهه "
ديه كانت نهاية القصه .....
بس اللى بيحصل فى مصر دلوقت بالظبط هوا اللى حصل للهندى اللى اتسرق منه " صنمه " فيه شريحه مش بطاله من المصريين اللى صنعوا من مبارك الهه وقدسوه طول 30 سنه .... يشعرون بأنهم فقدوا شئ ما بعد ان خلعه الشعب المصرى فى الثورة .... وللاسف لانهم اتعودوا على صناعة الالهه يقومون الان بنحت صنم جديد لأعضاء المجلس العسكرى لكى يعبدوهم من بعد مبارك ..... لانهم اتعودوا على وجود ديكتاتور فى حياتهم يقدسوه ويقتاتوا على نفاقه وعبادته
فى الفترة الاخيرة بدات جريدة الاهرام والاخبار حمله لتحسين صورة المجلس العسكرى من نفس نوعية حملات تلميع جمال مبارك ؛ وبداو يستعينوا بمقالات من ويكيلكس وشهادات باحثين استرتيجيين فى مركز ابحاث صفط اللبن ودكاترة اقتصاد فى جامعة ميت غمر علشان يمجدوا فى حصافة قرارت المجلس العسكرى ؛ للاسف نفس مقالات التطبيل ومهرجانات التصفيق الحاد للمجلس العسكرى لن تؤدى لشئ غير صناعة الهه جديده فى مصر
رااااااااااااااااائع يا حجازي، موضوعك وطريقة الربط فيه بمنتهى الجمال ...إلى المزيد ياحجازي ونحن في انتظار جديدك.
ردحذف