اذا الشعب اراد يوم الحياه فعادى جدا ممكن محدش يعبره
اه محدش يعبره
ماهو لما يبقى فى بلدك نظام أخر بجاحه
وبتنط من عينيه الكلاحه
وشعب عاطفى ولسه عايزنا نديلى مساحه
شعب كأنه مش من البلدى وجيلها سياحه
وبيطالبنا نتعامل مع الظالم بالراحه
ومعارضة بتلاوع وعمرها ما قالت الصراحه
يبقى لازم اخاف عليكى يا بلدى
خايف عليكى يا بلدى
من كل فاضى عامل فيها قاضى
من كل واحد عامل زعلان ومش راضى
من حرامية الثورات
ومن تجار الشعارات
--
يا بلدى الثورة بتتسرق
والله بتتسرق
وحجتهم : كفايه ... أصل البلد بتتحرق
--
دلوقتى بس أكتشفتوا أن البلد بتتحرق
--
انته ..ايوه انته
فاكر لما كنت بتمثل دور الكفيف
وشاغل وقتك بتدور على الرغيف
ونقولك ثور على الظالم ... تقول إشمعنا انا ؛ انا راجل ضعيف
يااااه... قد ايه كنت سخيف
--
طب دلوقتى بقه جه شباب أحرار بيطالبوا بالتغيير
مش عايزين يتحكم فى حياتك واحد معندوش ضمير
عايزينك تعيش حر فى بلد الصغير فيه ذى الكبير
--
يالا يا مصرى ساند الثوار
متخفش من الظالم لو طالع من عينه شرار
من النهارده انته صاحب القرار
فوق يا مصرى ومتصدقش تلفزيون الحكومه الملاكى
بيخون ثورتك والتهمه : بياكلوا كنتاكى
ليست هناك تعليقات:
إرسال تعليق